Слуцкі раённы савет зацьвердзіў назвы вуліц, якія праектуюцца ў новым мікрараёне «Зарэчны».
Як адзначаецца ў адпаведным рашэньні, адна з вуліц будзе называцца ў гонар «княгіні Анастасіі Слуцкай, якая ўзначаліла абарону горада ў 1505 годзе ад крымскіх татар».
Іншыя вуліцы атрымалі назвы Герояў-Вызваліцеляў, імя Героя Савецкага Саюзу Фёдара Бруя, Рачная, Спартыўная, Міру і Дружбы.
Раённы савет зацьвердзіў назвы на беларускай і расейскай мовах.
Фёдар Бруй нарадзіўся ў Слуцкім раёне і ўдзельнічаў у фарсаваньні Дняпра ў верасьні 1943 году. У гэтых баях ён атрымаў два раненьні, але працягваў камандаваць сваім батальёнам. Памёр у 1982 годзе.
ГЛЯДЗІЦЕ ТАКСАМА: У Слуцку адкрылі яшчэ адзін помнік мітрапаліту Філарэту. Фатафакт ГЛЯДЗІЦЕ ТАКСАМА: У Валожыне вуліцу назвалі ў гонар першага прэм’ер-міністра Рэспублікі Беларусь ГЛЯДЗІЦЕ ТАКСАМА: У Слуцку адкрылі яшчэ адзін помнік мітрапаліту Філарэту. Фатафакт