Гэты дзень у гісторыі
1068 — быў вызвалены полацкі князь Усяслаў, захоплены ў кіеўскі палон. Кіяне паўсталі супраць свайго князя Ізяслава, скінулі яго і абралі на яго месца Ўсяслава. Палачанін княжыў там 7 месяцаў, але ўрэшце вырашыў вярнуцца дадому, у Полацак.
1905 — Янка Купала дэбютаваў у друку зь вершам «Мужык».
1913 — у Радашкавічах адбылася прэм’ера знакамітай п’есы «Паўлінка». Ставіў спэктакаль Менскі драматычны гурток, якім кіраваў Фларыян Ждановіч, а сярод гледачоў быў і сам аўтар – Янка Купала.
"Паўлінка" у Купалаўскім тэатры ў Менску
1921 — у Войску Польскім былі зьліквідаваныя ўсе беларускія адзінкі, распушчана Беларуская вайсковая камісія.
1945 — Карэя атрымала незалежнасьць ад Японіі.
1947 — Індыя атрымала незалежнасьць ад Вялікабрытаніі.
1971 — у Лёндане адкрылася Беларуская бібліятэка імя Францішка Скарыны.
Беларуская бібліятэка імя Францішка Скарыны ў Лёндане
1979 — у Менску адкрыўся Музэй старажытнабеларускай культуры.
У гэты дзень нарадзіліся
1769 — Напалеон Банапарт, францускі імпэратар.
Імпэратар Напалеон Банапарт, карціна Жака-Люі Давіда
1771 — Вальтэр Скот, ангельскі пісьменьнік.
1831 — Вінцэсь Каратынскі, беларускі паэт і журналіст.
1923 — Шымон Пэрэс, ізраільскі палітык і лаўрэат Нобелеўскай прэміі міру, ураджэнец Вішнева на Валожыншчыне.
ГЛЯДЗІЦЕ ТАКСАМА: Сямён Пэрскі зь Вішнева: добры ядзерны дзядуля, ляўрэат Нобэля, прэзыдэнт Ізраілю1925 — Оскар Пітэрсан, канадзкі джазавы піяніст.
1936 — Барыс Сачанка, беларускі пісьменьнік, перакладнік і выдавец.
Барыс Сачанка
1960 — Ігар Варашкевіч, беларускі музыка, лідар гурта «Крама»
У памяці
1762 — Міхал Казімер Радзівіл «Рыбанька», вялікалітоўскі дзяржаўны дзяяч, мецэнат.
1954 —Язэп Драздовіч, беларускі мастак, скульптар, этнограф.
Язэп Драздовіч
1972 — Лявон Баразна (забіты), беларускі мастак дэкаратыўна-прыкладнога мастацтва і дасьледчык культуры, дысыдэнт.
1985 — Часлаў Будзька, беларускі эміграцыйны дзяяч, гісторык, настаўнік.