Цяпер навучаньне ў Беларускім дзяржаўным унівэрсытэце будзе каштаваць даражэй для студэнтаў вочнага і завочнага аддзяленьняў, а таксама для замежных студэнтаў.
Даражэй за ўсё абыдзецца навучаньне на факультэце міжнародных адносінаў, а таксама юрыдычным і эканамічным факультэтах. На ФМА найдаражэйшай спэцыяльнасьцю будзе «Міжнароднае права»: цана для першага курсу раней была 5567 рублёў на год, а цяпер вырасла да 5956 рублёў.
Цана на вучобу ў БДУ, такім чынам, у сярэднім вырасла на 7%. Зьмены ўступяць у сілу 1 верасьня.
БДУ ўжо ня першы ўнівэрсытэт Беларусі, які падняў цэны на вучобу. Раней яны падняліся ў БДУІР, БДЭУ, лінгвістычным, менскіх пэдагагічным і мэдычным унівэрсытэтах, а таксама іншых ВНУ.
Папярэдні раз цану навучаньня падымалі год таму.
ГЛЯДЗІЦЕ ТАКСАМА: Факультэт журналістыкі БДУ набраў студэнтаў выключна на бюджэт. Цяпер іх рыхтуюць толькі для дзяржаўных СМІ ГЛЯДЗІЦЕ ТАКСАМА: Мінабароны Беларусі занялася наборам беларусаў у расейскія вайсковыя ВНУ