Эўрапейская фэдэрацыя журналістаў (EFJ) адзначыла, што Ларысе Шчыраковай пагражае да 7 гадоў пазбаўленьня волі «паводле сфабрыкаваных абвінавачаньняў».
#Belarus ex-journalist Larysa Shchyrakova is standing trial today. She faces up to 7 years’ imprisonment on trumped-up charges. As with 32 other 🇧🇾 journalists in prison, her detention and judicial proceedings are unacceptable. #FreeLarysa@baj_by @IFEX pic.twitter.com/v6o1ZYTXqX
— EFJ (@EFJEUROPE) July 27, 2023
Гомельскі абласны суд пачаў разглядаць справу ў дачыненьні экс-журналісткі Ларысы Шчыраковай 27 ліпеня. Яе абвінавачваюць паводле арт. 369.1 КК (дыскрэдытацыя Рэспублікі Беларусь), ч. 1 і ч. 2 арт. 361.4 КК (садзейнічаньне экстрэмісцкай дзейнасьці і тое ж дзеяньне, якое зьдзяйсьняецца паўторна).
Працэс праходзіць у закрытым рэжыме.
ГЛЯДЗІЦЕ ТАКСАМА: У Гомлі судзяць журналістку Шчыракову. Ёй пагражае да 7 гадоў зьняволеньняШчыракова знаходзіцца ў няволі з 6 сьнежня 2022 году. Праваабаронцы прызналі яе палітзьняволенай.
Да 2021 году жанчына супрацоўнічала з шэрагам незалежных мэдыя. Пасьля яна публічна заявіла, што пакідае журналістыку, і пераключылася на этнаграфічныя фотасэсіі.
Паводле зьвестак Беларускай асацыяцыі журналістаў, зараз у месцах няволі знаходзіцца 36 прадстаўнікоў СМІ.
ГЛЯДЗІЦЕ ТАКСАМА: За кратамі, бо журналісты