Аляксандар Азараў заявіў, што ў лютым ByPol удзельнічаў у апэрацыі па пашкоджаньні расейскага самалёта А-50.
«Цяпер я ўжо магу сказаць, што гэта была апэрацыя ня толькі ByPol. Мы садзейнічалі СБУ. Гэта была сумесная апэрацыя. У той момант нам казаць нельга было», — сказаў Азараў.
Кіраўнік ByPol зазначыў, што першапачаткова аб’яднаньне былых беларускіх сілавікоў вырашыла ня браць на сябе адказнасьць за дывэрсію і не гаварыць пра яе.
«Паколькі вядома, правядзеньне акцый у Беларусі ўспрымаецца адмоўна сярод нашых партнэраў за мяжой. Але пасьля падчас перамоваў з нашымі ўкраінскімі партнэрамі было прынята рашэньне ўсё ж такі ўзяць акцыю на сябе, ня згадваючы ўкраінскі бок. І таму атрымаўся такі дысананс. Пасьля гэтага ў нас пачаліся вялізныя праблемы. Фінансаваньне цалкам было спынена. Нашы міжнародныя партнэры, донары казалі за вуглом: „Аляксандар, ты малайчына“, а калі выходзілі да грамадзкасьці, казалі: „Мы з вамі адносін ніякіх мець ня можам, фінансаваньня больш у вас ня будзе“. Без фінансаваньня і пачаліся праблемы ў калектыве — людзі патрабавалі заробку», — сказаў Азараў.
ГЛЯДЗІЦЕ ТАКСАМА: Зь Беларусі вывелі тры МіГ-31К; прапаганда абвінаваціла прыяцеля сына Абельскай і даносчыка. Галоўнае з расьсьледаваньня ByPol пра МачулішчыМартынава таксама спытала, ці сапраўды польскія спэцслужбы выклікалі Азарава да сябе ў сувязі з інцыдэнтам у Мачулішчах і папярэдзілі, што «яшчэ адна такая акцыя — і паедзеш дадому».
«Я ня буду ўдакладняць, але я скажу, што правядзеньне акцый з тэрыторыі Польшчы на тэрыторыі Беларусі — гэта фактычна падрыхтоўка вайны замежнай дзяржавай — у гэтым выпадку Польшчай — у Беларусі. Любыя акцыі, якія плянуюцца з Польшчы, Літвы, Латвіі на тэрыторыі Беларусі, забароненыя мясцовымі спэцслужбамі і правядзеньне іх, мякка кажучы, не вітаецца», — адказаў Азараў.
На пытаньне, чаму ён цяпер заявіў аб супрацоўніцтве з СБУ, ён адказаў, што ўжо прайшоў час і ён атрымаў дазвол украінскага боку.
ГЛЯДЗІЦЕ ТАКСАМА: У Расеі пусьцілі пад адхон цягнік з нафтапрадуктамі. Падарваны цеплавоз прыпісаны да гомельскага дэпоУ канцы зімы на беларускім вайсковым аэрадроме ў Мачулішчах прагрымеў выбух, пашкодзілі расейскі вайсковы самалёт для выведкі А-50У. Пералічваем вэрсіі інцыдэнту.
26 лютага 2023 году ByPol і лідэры апазыцыі ў выгнаньні паведамілі, што расейскі самалёт далёкага радыёлякацыйнага выяўленьня і кіраваньня А-50У быў пашкоджаны ў выніку атакі бесьпілётнікаў на авіябазу ў Мачулішчах.
Адразу пасьля інцыдэнту ў Мачулішчах па Беларусі пракацілася хваля затрыманьняў, арыштавалі некалькі дзясяткаў чалавек. За інцыдэнт у Мачулішчах беларускія сілавікі завялі крымінальную справу паводле 3-й часткі 289-га артыкулу Крымінальнага кодэксу («Акт тэрарызму, зьдзейсьнены групай асобаў»).
ГЛЯДЗІЦЕ ТАКСАМА: Астаповіч пра вяртаньне ў BelPol, сустрэчу з каліноўцамі і перасьлед Лукашэнкам памерлыхВайна Расеі супраць Украіны
- А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
- Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
- Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
- 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фотаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
- З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
- Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
- 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
- У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
- 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
- У канцы 2023 і на пачатку 2024 расейцы працягвалі масавыя абстрэлы ўкраінскіх гарадоў: Дніпры, Кіеве, Харкаве, Адэсе і іншых месцах дзясяткі людзей загінулі і атрымалі раненьні. Украінскі бок у адказ абстрэльваў расейскі Белгарад, некалькі чалавек загінулі. Узброеныя сілы дзьвюх краін рэгулярна атакуюць падкантрольныя адна адной тэрыторыі бесьпілётнікамі.
- Агулам з пачатку 2024 году ўкраінскія дроны пашкодзілі 18 расейскіх НПЗ, што прывяло да скарачэньня вытворчасьці амаль на 14%. У сакавіку былі атакаваныя такія абʼекты, як Разанскі НПЗ «Раснафты» і завод «Лукойла» ў Кстове ў Ніжагародскай вобласьці. Абодва ўваходзяць у топ-10 найбуйнейшых НПЗ Расеі і забясьпечваюць бэнзінам Маскву.
- 6 жніўня 2024 году Ўкраіна пачала апэрацыю ў Курскай вобласьці. 19 жніўня прэзыдэнт Украіны Ўладзімір Зяленскі заявіў, што пад кантролем Украіны ў ходзе апэрацыі Ўзброеных сілаў Украіны знаходзяцца 92 паселішчы Курскай вобласьці Расеі. Галоўнакамандуючы Ўзброенымі сіламі Ўкраіны Аляксандар Сырскі ўдакладніў, што такіх населеных пунктаў 82. Улады Ўкраіны заявілі пра стварэньне ваенных камэндатураў і арганізацыі перадачы «гуманітарнай дапамогі ў населеныя пункты, якія знаходзяцца пад кантролем Украіны». Экспэрты Інстытуту вывучэньня вайны, прааналізаваўшы заявы і відэаматэрыялы з геалякацыяй, выказалі меркаваньне, што Ўкраіна кантралюе ў Курскай вобласьці ня ўсю тэрыторыю ў заяўленых межах прасоўваньня.
- 16-18 жніўня ўкраінскія сілы падарвалі тры масты, якія мелі стратэгічнае значэньне для матэрыяльна-тэхнічнага забесьпячэньня групоўкі расейскіх войскаў ва Ўкраіне і вайсковай авіяцыі, якая базуецца ў Курскай вобласьці.
- 17 лістапада Джо Байдэн зьняў абмежаваньні на нанясеньне ўдараў амэрыканскай дальнабойнай зброяй па тэрыторыі Расеі.
- Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.