Паводле СК, выбух адбыўся ў выніку «наўмысных дзеяньняў двух жыхароў гэтага дома» — сямейнай пары.
Паводле сьледзьтва, яны вылілі на падлогу ў кватэры больш за 10 літраў лёгкай на загараньне вадкасьці і пашкодзілі газавае абсталяваньне на кухні, чым стварылі выбухованебясьпечную канцэнтрацыю газапаветранай сумесі, а пасьля ініцыявалі ўзгараньне. Адбыўся выбух, які пашкодзіў уваходныя дзьверы і разам з полымем распаўсюдзіўся па пад’езьдзе. Выбуховай хваляй выбіла дзьверы ў кватэры на іншым паверсе, дзе загінула сямʼя зь дзіцем.
На месцы здарэньня выявілі палімэрныя бутэлькі з рэшткамі газавага растваральніка, сьляды якога знайшлі ў кватэры, дзе адбыўся выбух. СК лічыць, што загінулая пара хацела зьдзейсьніць групавы суіцыд.
Крымінальную справу спынілі ў сувязі са сьмерцю пары.
Выбух адбыўся ўначы 17 сьнежня, загінулі шэсьць чалавек (сярод іх адно дзіця), яшчэ трое атрымалі траўмы.
ГЛЯДЗІЦЕ ТАКСАМА: На бульвары Шаўчэнкі ў Менску адбыўся выбух у жылым доме: 6 чалавек загінулі, трое ў рэанімацыі