Эўразьвяз зьбіраецца прыняць новы пакет санкцый у дачыненьні да прадстаўнікоў рэжыму Аляксандра Лукашэнкі да гадавіны прэзыдэнцкіх выбараў 9 жніўня 2020 года.
Пра намер ЭЗ прыняць новыя санкцыі да гадавіны выбараў у Беларусі, паведаміла DW.
Выданьне з спасылкай на высокапастаўленага чыноўніка Эўразьвязу, адзначае што паралельна з падрыхтоўкай санкцый у сувязі з парушэньнем правоў чалавека ў Беларусі, ідзе абмеркаваньне яшчэ аднаго пакета, зьвязанага з саўдзелам Беларусі ў ваеннай агрэсіі Расеі супраць Украіны.
Як паведаміў BPN галоўны саветнік беларускага дэмакратычнай лідэркі Сьвятланы Ціханоўскай Франак Вячорка, у сьпіс асоб, на якіх распаўсюджваюцца індывідуальныя абмежавальныя меры, паводле яго інфармацыі, унясуць «пару дзясяткаў чалавек».
- Брусэль не прызнаў вынікі прэзыдэнцкіх выбараў 2020 года ў Беларусі. На гэты момант супраць беларускіх уладаў уведзены шэсьць пакетаў санкцый, апошні прынялі каля года таму.