У красавіку раённы суд у Бішкеку вынес рашэньне аб забароне працы радыёстанцыі.
Бішкецкі гарадзкі суд 12 ліпеня адмяніў рашэньне ўраду аб закрыцьці нацыянальнай службы Радыё Свабода — Радыё Азаттык. Суд зацьвердзіў міравое пагадненьне паміж юрыдычнай асобай службы і Міністэрствам культуры.
У красавіку раённы суд у Бішкеку вынес рашэньне аб забароне працы радыёстанцыі ў Кіргізстане. Міністэрства культуры абвінаваціла Радыё Азаттык у аднабаковым выкладзе таджыцкай пазыцыі ў памежным канфлікце паміж дзьвюма краінамі.
Ад радыёстанцыі патрабавалі выдаліць са сваіх сайтаў кадры памежных сутыкненьняў, якія скончыліся сьмерцю. Рэдакцыя гэта рабіць адмовілася. Аднак з прычыны зьмены агульных пратаколаў захоўваньня кантэнту відэа больш не даступнае для карыстальнікаў, расказвае сайт Радыё Азаттык.
ГЛЯДЗІЦЕ ТАКСАМА: «Бяда ў Менску»,— кіраўнік Радыё Свабода напісаў пра Ігара Лосіка і Андрэя Кузьнечыка ў часопісе «American Purpose» ГЛЯДЗІЦЕ ТАКСАМА: Улады прызналі Беларускую асацыяцыю журналістаў «экстрэмісцкім фармаваньнем»