Станам на 29 чэрвеня беларуская праваабарончая супольнасьць прызнала палітвязьнямі 1496 чалавек. Паводле іншых падлікаў, колькасьць палітвязьняў можа быць большай.
Паводле інфармацыі Zerkalo, палітыка Андрэя Дзьмітрыева, лідэра зьліквідаванай «Гавары праўду» і кандыдата на прэзыдэнцкіх выбарах 2020 году, перавялі зь СІЗА-1 Менску ў Віцебскую калёнію для адбываньня пакараньня.
Гэта адбылося 28 чэрвеня. 23 чэрвеня Менскі гарадзкі суд адхіліў апэляцыйную скаргу палітыка і пакінуў ягоны прысуд у сіле. Дзьмітрыева накіравалі ў папраўчую калёнію №3 у пасёлку Віцьба пад Віцебскам.
6 красавіка Андрэю Дзьмітрыеву прысудзілі 1,5 года зьняволеньня паводле ч. 1 арт. 342 КК «Актыўны ўдзел у групавых дзеяньнях, якія груба парушаюць грамадзкі парадак». Нядаўна стала вядома, што ў палітыка памерла маці, на пахаваньне яго не пусьцілі.
ГЛЯДЗІЦЕ ТАКСАМА: Навіны палітвязьняў: журналіста Івашына перавялі ў турму