Дата дня
17 чэрвеня 1953 году пачалося народнае паўстаньне ва Ўсходняй Нямеччыне (ГДР): больш як у 700 мясцовасьцях прайшлі антыўрадавыя страйкі і дэманстрацыі. Выступы здушыла група савецкіх войскаў у ГДР.
Дзень у гісторыі
1793 — у Горадні пачаў працу апошні сойм Рэчы Паспалітай, які скасаваў Канстытуцыю 3 траўня і замацаваў рашэньне пра другі падзел краіны.
1876 — Міністэрства ўнутраных спраў Расейскай імпэрыі забараніла друкаваць вучэбныя і навукова-папулярныя кнігі на ўкраінскай мове.
1898 — Сэнат ЗША даў згоду на анэксію Гаваяў.
Гаваі
1934 — у Польшчы пачаў дзейнічаць Бяроза-Картускі лягер для палітычных зьняволеных.
Будынак вязьніцы ў Бяроза-Картускім лягеры
1935 — стварылі амэрыканскую кінакампанію «Paramount Pictures».
1940 — у Латвію і Эстонію ўвялі савецкія войскі.
У гэты дзень нарадзіліся
1882 — Ігар Стравінскі, расейскі кампазытар, дырыжор і піяніст беларускага паходжаньня, адзін з найбуйнейшых прадстаўнікоў усясьветнай музычнай культуры XX стагодзьдзя.
Ігар Стравінскі
1936 — Кен Лоўч, брытанскі кінарэжысэр, клясык эўрапейскага кіно.
1949 — Уладзімер Русак, беларускі праваслаўны духоўнік.
У памяці
1696 — Ян ІІІ Сабескі, кароль Рэчы Паспалітай і вялікі князь літоўскі.
1938 — Аркадзь Смоліч, дзеяч Беларускай Народнай Рэспублікі, навуковец у галіне эканомікі і сельскай гаспадаркі, географ, картограф (расстраляны).
Аркадзь Смоліч з жонкай, Аляксандрай Каткоўскай, 1937
1996 — Томас Сэмюэл Кун, амэрыканскі гісторык і філёзаф навукі. Ягоная кніга «Структура навуковых рэвалюцый» — адна з найбольш цытаваных навуковых публікацый за ўсю гісторыю навукі.