У гісторыі:
1611 — войскі Рэчы Паспалітай пасьля амаль двухгадовай аблогі ўзялі Смаленск.
1966 — Ватыкан адмяніў «Індэкс забароненых кніг», уведзены ў 1557 годзе.
2009 — у Беларусі ўпершыню перасадзілі дзіцяці нырку ад яго сваякоў.
У гэты дзень нарадзіліся:
1702 — Міхал Казімір Радзівіл «Рыбанька», вялікалітоўскі дзяржаўны дзеяч, мэцэнат.
Замак Радзівілаў у Нясьвіжы
1834 — Канстанцін Вераніцын, аўтар паэмы «Тарас на Парнасе». Ягонае аўтарства (паэма доўга лічылася ананімнаю) даказаў Генадзь Кісялёў.
Палесаўнік Тарас у таварыстве грэцка-рымскіх багоў гаворыць жывой беларускай мовай з рысамі паўночна-ўсходняга дыялекту. Радкі гумарыстычнай паэмы сталі ўстойлівымі выразамі й гутарковымі цытатамі.
1889 — Павал Жаўрыд, беларускі грамадзка-палітычны дзеяч, журналіст, адзін з кіраўнікоў Слуцкага паўстаньня 1920 году.
ГЛЯДЗІЦЕ ТАКСАМА: У бой за Случчыну. Мінімум фактаў, якія варта ведаць пра Слуцкі збройны чын1956 — Леанід Тараненка, беларускі цяжкаатлет, двухразовы чэмпіён сьвету.
1966 — Андрэй Пяткевіч, паэт, удзельнік нацыянальна-дэмакратычнага руху 1980–1990-х, перасьледаваны КДБ.
У памяці
1864 — Генрык Дэмбіньскі, адзін з кіраўнікоў антырасейскага паўстаньня 1831 году.
1943 — Юльян Саковіч, беларускі палітычны дзеяч.
1965 — Марцін Бубэр, нямецка-габрэйскі філёзаф, тэарэтык сіянізму.
Марцін Бубэр
1971 — Сяргей Прытыцкі, палітычны дзеяч БССР.