Ужо сёньня: у гэты дзень выйшаў раман Джорджа Оруэла «1984»

Падзеі 8 чэрвеня ў беларускай і сусьветнай гісторыі.

Дзень у гісторыі

1924 — зьезд былых сябраў Беларускай партыі сацыялістаў-рэвалюцыянэраў у Менску канстатаваў самароспуск партыі.

1949 — у брытанскім выдавецтве Secker & Warburg выйшаў у сьвет знакаміты раман Джорджа Оруэла «1984».

ГЛЯДЗІЦЕ ТАКСАМА: «За дзень замовілі больш за 200 асобнікаў». У беларускіх кнігарнях актыўна раскупляюць кнігу «1984»

1958 — у Беластоку заснаванае беларускае літаратурнае аб’яднаньне «Белавежа».

ГЛЯДЗІЦЕ ТАКСАМА: Сьціплы чар правінцыі. 13 беларускіх кніг з Польшчы, пра якія варта ведаць

1967 — у Мікалаеўшчыне адкрыты філіял музэю Якуба Коласа.

ГЛЯДЗІЦЕ ТАКСАМА: Пра што Якуб Колас прасіў кіраўніцтва БССР у дзень сьмерці + ВІДЭА

У гэты дзень нарадзіліся

1881 — Віктар Зелязей, беларускі грамадзка-палітычны дзеяч.

1894 — Сямён Вальфсон, філёзаф, літаратуразнавец, пэдагог. Адзін з ідэолягаў цкаваньня «нацдэмаў» у БССР на пачатку 1930-х гадоў.

У памяці

1956 — памёр Язэп Фарботка, беларускі нацыянальны дзеяч, паэт, сябра «Віленскага фатаклюбу» Яна Булгака.

1991 — памёр Уладзімір Шахавец, беларускі перакладнік і пісьменьнік.

2018 — памёр літаратуразнаўца Міхась Мушынскі. Ён працаваў у акадэмічным Інстытуце літаратуры імя Янкі Купалы, у 1978-м абараніў доктарскую дысэртацыю. Выдаў 340 навуковых працаў, дасьледаваў творчасьць Янкі Купалы, Якуба Коласа, Максіма Гарэцкага, Міхася Зарэцкага, дасягненьні крытыкі і літаратуразнаўства ўсяго ХХ стагодзьдзя.

Міхась Мушынскі