Краіны Пэрсыдзкай затокі плянуюць стварыць вайскова-марскі альянс. Туды таксама ўвойдуць Індыя і Пакістан, паведамляюць іранскія СМІ.
«Краіны рэгіёну сёньня ўсьвядомілі, што толькі супрацоўніцтва адна з адной гарантуе бясьпеку рэгіёну», — цытуюць мэдыя Шахрама Ірані.
Ён не паведаміў, на якім узроўні будзе створаны альянс, але сказаў, што ідэю рэалізуюць найбліжэйшым часам.
ГЛЯДЗІЦЕ ТАКСАМА: Зяленскі падтрымаў санкцыі супраць Ірану тэрмінам на 50 гадоў за вайсковую падтрымку МасквыАпошнім часам Іран паспрабаваў выправіць напружаныя адносіны зь некалькімі арабскімі краінамі Пэрсыдзкай затокі. У сакавіку Саудаўская Арабія і Іран спынілі сямігадовыя ваенныя дзеяньні ў Емэне праз пагадненьне пры пасярэдніцтве Кітая, якое падкрэсьлівала важнасьць рэгіянальнай стабільнасьці і эканамічнага супрацоўніцтва.
Новы падыход Саудаўскай Арабіі да Ірану выклікаў гнеў у Ізраілі, які спрабуе дыпляматычна ізаляваць Іран.
Аб’яднаныя Арабскія Эміраты, першая арабская краіна Пэрсыдзкай затокі, якая падпісала пагадненьне з Ізраілем аб нармалізацыі адносін у 2020 годзе, аднавіла сувязі з Іранам летась. Пазьней да Эміратаў у аднаўленьні сувязяў з Ізраілем далучыліся Бахрэйн і Марока.
ГЛЯДЗІЦЕ ТАКСАМА: Перастрэлка на мяжы Ірану і Афганістану. Ёсьць забітыя ГЛЯДЗІЦЕ ТАКСАМА: Ва Ўкраіне не выключаюць, што Іран можа перанесьці вытворчасьць вайсковых дронаў у Беларусь