Хлопца прымусілі на камэру сказаць, што ён каецца ў распаўсюдзе зьвестак, якія дыскрэдытуюць адміністрацыю і БРСМ. На гэта зьвярнула ўвагу адвакатка Марыя Колесава-Гудзіліна.
Яна піша, што гэта прамое парушэньне прэзумпцыі невінаватасьці, калі чалавек вымушаны ў непрацэсуальнай форме прызнацца ва ўчыненьні забароненых дзеяньняў.
На яе думку, відэа парушае права не падвяргацца жорсткаму, бесчалавечнаму і зьневажальнаму абыходжаньню ці катаваньням. Марыя Колесава-Гудзіліна выказала ўпэўненасьць у тым, што адказных за здымку гэтага відэа можна прыцягнуць да адказнасьці.
«Гэта падпадае пад кваліфікацыю арт. 426 Крымінальнага кодэксу (злачынства супраць чалавечнасьці, якое зьдзяйсьняецца прадстаўніком дзяржавы)», — піша Колесава-Гудзіліна.
Падобныя відэа з затрыманымі апанэнтамі ўладаў публікуюць пралукашэнкаўскія рэсурсы, што праваабаронцы лічаць грубым парушэьнем законаў.
ГЛЯДЗІЦЕ ТАКСАМА: Хроніка перасьледу 8 траўня: беларуса затрымалі за набітыя на целе Пагоню і герб Украіны ГЛЯДЗІЦЕ ТАКСАМА: Экс-дацэнтцы МДЛУ Дулінай прысудзілі 3,5 года зьняволеньня за камэнтар незалежнаму мэдыя