68-гадовы Нікаля Сарказі ў сакавіку 2021 года быў прызнаны вінаватым у подкупе і гандлі ўплывам і пакараны трыма гадамі турмы, двума зь іх — умоўна.
Нікаля Сарказі — першы францускі прэзыдэнт, асуджаны на рэальны тэрмін зьняволеньня, аднак у турме ён не апынецца. Апэляцыйны суд дазволіў палітыку правесьці рэальны год зьняволеньня пад хатнім арыштам. Для кантролю за яго перамяшчэньнямі будзе выкарыстоўвацца электронны бранзалет, перадае газета Le Parisien.
У чацьвер фінансавая пракуратура Францыі запатрабавала судзіць Сарказі яшчэ ў адной крымінальнай справе — аб атрыманьні незаконнага фінансаваньня ад рэжыму былога лібійскага дыктатара Муамара Кадафі.
Былы прэзыдэнт Францыі адхіляе абвінавачаньні. Ён па-ранейшаму застаецца папулярным палітыкам у Францыі, адзначае тэлеканал France 24.
ГЛЯДЗІЦЕ ТАКСАМА: Былому прэзыдэнту Францыі Сарказі прысудзілі год турмы