«На сёньняшні дзень мы прыходзім да таго, што ПВК „Вагнэра“ заканчваецца, і празь нейкі кароткі час перастане існаваць», — сказаў ён у інтэрвію расейскаму блогеру Сямёну Пегаву. Яго словы цытуе DW.
«Мы адыдзем у гісторыю. Нічога страшнага, так бывае», — сказаў Прыгожын. Як вынікае з разьмешчанага ў сацсетках відэакліпа, кіраўнік ПВК зьвязвае магчымае спыненьне існаваньня яго прыватнага войска з тым, што міністэрства абароны РФ па-ранейшаму не пастаўляе яго наймітам боепрыпасаў.
"Wagner PMC will cease to exist in some rather short period of time. We will become history" - Prigozhin.Interesting... Tea or sledgehammer? pic.twitter.com/0prK3A8W80
— Anton Gerashchenko (@Gerashchenko_en) April 28, 2023
Прыгожын ужо ня першы раз скардзіцца на «снарадны голад» і абвінавачвае асобных чальцоў расейскага ваеннага кіраўніцтва ў «здрадзе інтарэсаў краіны». Калі менавіта ён зрабіў свае цяперашнія заявы, незразумела. Сам ён пакуль не адказаў за звароты СМІ з просьбай пракамэнтаваць сказанае.
Найміты ПВК «Вагнэра» у мінулым удзельнічалі ў баях у Сірыі, а таксама ў канфліктах у цэлым шэрагу краін Афрыкі. У студзені ЗША афіцыйна абвясьцілі гэтую ПВК транснацыянальнай злачыннай арганізацыяй.
ГЛЯДЗІЦЕ ТАКСАМА: Financial Times: Беларусь перадавала зброю «вагнэраўцам»