Ракета трапіла ў краязнаўчы музэй.
Кіраўнік офіса прэзыдэнта Ўкраіны Андрэй Ярмак паведаміў аб удары расейскіх войскаў па горадзе Купянск у Харкаўскай вобласьці.
Па ягоных дадзеных, удар быў нанесены ракетамі С-300.
«Трапілі ў музэй. Пад заваламі ёсьць людзі», — дадаў Ярмак.
Адзін чалавек загінуў і 10 чалавек паранены ў выніку расейскага ўдару ракетамі С-300 па цэнтры Купянску ў Харкаўскай вобласьці.
Паводле дадзеных кіраўніка Харкаўскай абласной вайсковай адміністрацыі Алега Сінягубава, у выніку нападу трох чалавек шпіталізавалі, сем атрымалі лёгкія пашкоджаньні, двое застаюцца пад заваламі.
Прэзыдэнт Украіны Ўладзімір Зяленскі паведаміў аб гібелі супрацоўніцы краязнаўчага музэю, у які ўпала ракета.
ГЛЯДЗІЦЕ ТАКСАМА: Украінскі таран для Беларусі. Чаму мы павінны дапамагаць украінцам