Спэцназ ЗША пачаў ратавальную місію раніцай у нядзелю для прыблізна 100 супрацоўнікаў амбасады і іх сваякоў, каб даставіць іх гелікоптэрамі на ваенную базу ў Джыбуці.
Брытанскі прэмʼер-міністар Рышы Сунак пазьней заявіў, што брытанскія сілы таксама «завяршылі складаную і хуткую эвакуацыю брытанскіх дыпляматаў і іх семʼяў з Судану на фоне значнай эскаляцыі гвалту і пагроз у драс супрацоўнікаў амбасады».
Францыя і Нямеччына заявілі 23 красавіка, што пачалі эвакуацыю, каб дапамагчы грамадзянам краінаў Эўразьвязу і іншым.
ГЛЯДЗІЦЕ ТАКСАМА: Вайна сілавікоў у Судане: Падчас беспарадкаў загінулі як найменей 56 цывільных асобаў, колькасьць загінулых вайскоўцаў невядомая15 красавіка ў сталіцы Судану і іншых гарадах краіны адбыліся сутыкненьні паміж рэгулярнай арміяй і ваенізаванай групоўкай «Сілы хуткай падтрымкі». Дзьве ваенныя фракцыі — некалі палітычныя саюзьнікі, а цяпер праціўнікі на полі бою — змагаюцца за кантроль над Хартумам і прыбытковым экспартам мінэральных рэсурсаў краіны, асабліва золата.
Паводле зьвестак ААН, падчас ваенных дзеяньняў у Судане загінулі 413 чалавек, яшчэ 3551 параненыя.