«Тайвань нам рупіць у эканамічным, камэрцыйным і тэхналягічным пляне. Вось чаму я заклікаю эўрапейскія ВМС патруляваць Тайваньскую пратоку і прадэманстраваць прыхільнасьць Эўропы да свабоды навігацыі на гэтай абсалютна важнай тэрыторыі», — напісаў Барэль у камэнтары, апублікаваным францускай газэтай Journal du Dimanche 23 красавіка.
Два тыдні таму Кітай правёў трохдзённыя вайсковыя вучэньні паблізу Тайваню, імітуючы кропкавыя ўдары і блякаду вострава. Манэўры пачаліся пасьля вяртаньня прэзыдэнткі Тайваню Цай Інвэнь з ЗША, дзе яна сустрэлася са сьпікерам Палаты прадстаўнікоў Кевінам Макарці.
ГЛЯДЗІЦЕ ТАКСАМА: Кітай правёў рэпэтыцыю блякады і ракетнага абстрэлу ТайваняРаней у гэтым месяцы прэзыдэнт Францыі Эманюэль Макрон заявіў, што Эўропа не павінна быць «пасьлядоўнікам Злучаных Штатаў» у выпадку канфлікту з Кітаем праз Тайвань. Пазыцыя Макрона, які нядаўна наведаў зь візытам Пэкін, выклікала крытыку з боку як шэрагу амэрыканскіх, так і эўрапейскіх палітыкаў.
КНР лічыць Тайвань часткай сваёй тэрыторыі і ставіцца да вострава як да мяцежнай правінцыі, якая адкалолася ў 1949 годзе. Кампартыя Кітаю і старшыня КНР Сі Цзіньпін аб’явілі «абʼяднаньне з Тайванем» сваёй «гістарычнай місіяй», якую яны маюць намер выканаць — пры неабходнасьці — з прымяненьнем ваеннай сілы, адзначае DW.
ГЛЯДЗІЦЕ ТАКСАМА: Чаму Кітай ня можа дапусьціць паразы Расеі ў вайне ва Ўкраіне?