У людзей праглядаюць сацсеткі і ўсталёўваюць бот «Магніт», паведамляюць праваабаронцы.
Праваабарончы цэнтар «Вясна» атрымлівае інфармацыю, што апошнія дні ў розных раёнах Менску назіраецца актыўнасьць сілавікоў — участковыя прыходзяць увечары дадому да тых, каго раней затрымлівалі з палітычных матываў.
Паводле праваабаронцаў, у людзей праглядаюць Telegram і Instagram, гісторыю праглядаў і падабайкі на YouTube. Таксама на тэлефоны людзям ставяць бот «Магніт», які нібыта зьбірае інфармацыю пра кантакты чалавека (у тым ліку нумары тэлефонаў, ідэнтыфікатары пры рэгістрацыі ў Telegram і іншае).
Таксама вядома, што сілавікі перапісваюць зьвесткі тэлефонаў.
ГЛЯДЗІЦЕ ТАКСАМА: Хроніка перасьледу 18 красавіка: затрымалі намесьніка кіраўніка «Тэхнабанку»; аблава на «Нафтане» і «Паліміры»; затрыманьні ў Навалукомлі