Разам з тым аналітыкі банку лічаць, што «сярэднетэрміновыя пэрспэктывы застаюцца змрочнымі»:
«Рызыкі зьніжэньня застаюцца значнымі, уключаючы магчымае ўвядзеньне дадатковых сэктаральных санкцый, магчымыя нэгатыўныя наступствы для расейскай эканомікі, няздольнасьць прыстасавацца да рэжыму санкцый і экспансіянісцкую ўнутраную палітыку ў імкненьне стымуляваць эканамічна за кошт падтрыманьня макраэканамічнай і фінансавай стабільнасьці».
Прагназуючы слабы эканамічны рост, экспэрты засноўваюцца на чаканым аднаўленьні ў нафтахімічным сэктары, машынабудаваньні і харчовай прамысловасьці, якія арыентаваны на расейскі рынак або маюць наладжаныя экспартныя маршруты праз Расею.
«Абмежаваньні з боку прапановы і лягістыкі па-ранейшаму захаваюцца і будуць часткова зьліквідаваны за кошт паралельнага імпарту. Гэта ўсё роўна нэгатыўны паўплывае на вытворцаў», — зазначае СБ.
На рост прыватнага сэктару паўплывае ўзмацненьне жорсткасьці ўмоў вядзеньня бізнэсу ў сувязі са зьменамі ў Падатковым кодэксе, якія прадугледжваюць павелічэньне падатковай стаўкі, якая выплачваецца самазанятымі фізычнымі асобамі і індывідуальнымі прадпрымальнікамі, у той час як спрошчаны падатковы рэжым для ІП адменены.
Аднаўленьне росту даходаў хатніх гаспадарак будзе залежаць ад таго, у якой ступені эканамічны рост можа быць захаваны ў складаных зьнешніх умовах з абмежаванай бюджэтнай прасторай.
Аналітыкі банку падкрэсьлілі, што на прагназаваньне ўплывае «недахоп доступу да важных даных, які далей расьце, у тым ліку аб фінансавых рахунках, вытворчасьці і гандлі санкцыйнымі таварамі, а таксама структуры валютных рэзэрваў».
На думку аўтараў аналізу, цэны ў Беларусі па выніках 2023 году павялічацца на 11%.
28 лістапада 2022 года Аляксандар Лукашэнка зацьвердзіў найважнейшыя парамэтры прагнозу сацыяльна-эканамічнага разьвіцьця Беларусі на 2023 год, згодна зь якімі прырост ВУП заплянаваны на ўзроўні 3,8 працэнта.
У студзені 2023 году да студзеня 2022-га падзеньне ВУП склала 5%, за першыя два месяцы гэтага году — 3,6%.
У 2022 годзе ВУП Беларусі зьнізіўся на 4,7%.
ГЛЯДЗІЦЕ ТАКСАМА: У Беларусі зафіксавалі максымальны рост цэнаў на аграрную прадукцыю сярод краін ЭАЭС за 2022 год ГЛЯДЗІЦЕ ТАКСАМА: Памідоры +22%, малако +21,9%. Як у Беларусі растуць цэны, якім расьці забаранілі