Дата дня
6 красавіка 1999 году раптоўна і загадкава памёр Генадзь Карпенка, беларускі навуковец і палітык, дэпутат Вярхоўнага Савету 12 і 13 скліканьня. У 1996 годзе Карпенка, тагачасны намесьнік старшыні Вярхоўнага Савету, кіраваў працэсам імпічмэнту прэзыдэнта Лукашэнкі.
Генадзь Карпенка
Таксама ў гэты дзень
1814 — Напалеон адрокся ад пасаду і згодна з выракам быў накіраваны ў высылку на востраў Эльба.
Карціна Поля Дэляроша «Напалеон у Фантэнбло», карціна адпавядае моманту падпісаньня адрачэньня ад пасаду
1869 — Дзьмітры Мендзялееў публічна прадставіў сваю пэрыядычную табліцу элемэнтаў.
1896 — у Атэнах адбылося ўрачыстае адкрыцьцё першых сучасных Алімпійскіх гульняў.
Першыя Алімпійскія гульні ў найноўшы час, Атэны, 1896
1917 — уступленьне Злучаных Штатаў Амэрыкі ў Першую сусьветную вайну на баку Антанты.
1990 — у Менску было створанае Згуртаваньне беларусаў сьвету «Бацькаўшчына», якое арганізацыйна аб’ядноўвае ўсе беларускія асяродкі ва ўсім сьвеце.
2010 — пачатак рэвалюцыі ў Кіргізстане, якая прывяла да зрынаньня прэзыдэнта Курманбека Бакіева.
Рэвалюцыя ў Кіргізстане, красавік 2010
У гэты дзень нарадзіліся
1483 — Рафаэль Санці, італьянскі мастак і архітэктар.
1896 — Ізі Харык, беларускі габрэйскі паэт.
Ізі Харык
1905 — Мікола Хведаровіч, беларускі паэт.
1910 — Барыс Кіт, навуковец, дзеяч беларускай эміграцыі.
Барыс Кіт, 1930-я гады
1928 — Хведар Нюнька, грамадзка-культурніцкі дзеяч, удзельнік нацыянальна-дэмакратычнага руху 1980-х — пач. ХХІ ст.
Хведар Нюнька
У памяці
1656 — Шыман Старавольскі, гісторык і пісьменьнік Вялікага Княства Літоўскага.
2017 — Міхась Кавыль, беларускі паэт, празаік, крытык.
Стагодзьдзе Міхася Кавыля