Дата дня
25 сакавіка 1918 году Рада Беларускай Народнай Рэспублікі (БНР) прыняла Трэцюю Ўстаўную грамату, у якой абвясьціла незалежнасьць БНР і аддзяленьне Беларусі ад Расеі.
Трэцяя Ўстаўная грамата БНР
Ад 1989 году ў Менску і іншых гарадах Беларусі ладзяцца сьвяточныя ўрачыстасьці, палітычныя акцыі, мітынгі, шэсьці, пэрформансы, прысьвечаныя ўгодкам абвяшчэньня незалежнасьці Беларускай Народнай Рэспублікі.
Таксама ў гэты дзень
1949 — некалькі тысяч жыхароў Літвы дэпартавалі ў Сібір.
1969 — створаны вакальна-інструмэнтальны ансамбль «Лявоны» пад кіраўніцтвам Уладзімера Мулявіна.
«Песьняры». Менск, 1977
1992 — Беларусь усталявала дыпляматычныя адносіны з Турэччынай.
1995 — Беларусь і Польшча падпісалі пагадненьне аб супрацоўніцтве ў галіне аховы гісторыка-культурнай спадчыны.
2006 — «Паход Казуліна на Акрэсьціна»: пасьля мітынгу да Дня Волі ў Купалаўскім сквэры былы кандыдат на прэзыдэнта Аляксандар Казулін заклікаў прысутных пайсьці да турмы на Акрэсьціна, дзе адбывалі пакараньне дзясяткі палітвязьняў, затрыманых пасьля выбараў і разгону намётавага мястэчка. Калёну зь некалькіх тысяч чалавек на праспэкце Дзяржынскага сустрэлі спэцаддзелы міліцыі, жорстка пабілі і разагналі. Казуліна затрымалі і асудзілі на пяць з паловай гадоў за «злоснае хуліганства і масавыя беспарадкі».
Сутыкненьне пратэстоўцаў з АМАПам, 25 сакавіка 2006 г.
2018 — у Беларусі і за яе межамі адзначалася 100-годзьдзе БНР.
Сьвяткаваньне Дня Волі, Менск, 25 сакавіка 2018
У гэты дзень нарадзіліся
1347 – Кацярына Сіенская, каталіцкая сьвятая, італьянская рэлігійная дзяячка і пісьменьніца позьняга Сярэднявечча, якая пакінула мноства лістоў і містычны твор «Дыялёгі аб Провідзе Божым».
1905 – Браніслаў Ржэўскі, літаратуразнаўца, пэдагог, удзельнік антысавецкіх пратэстаў 1950-х, палітычны вязень.
1935 – Уладзімер Папковіч, беларускі пісьменьнік і перакладчык.
Рыгор Барадулін і Ўладзімер Папковіч
У памяці
1918 – Клёд Дэбюсі, францускі кампазытар.
1999 — Вячаслаў Чарнавол, украінскі палітык, грамадзкі дзеяч, праваабаронца, дысыдэнт савецкіх часоў.
Вячаслаў Чарнавол, 1990
2019 – Яўгенія Чаплінская (ад нараджэньня Белановіч), пэдагог, культурная дзяячка.