Абодва законапраекты прапанаваныя праўрадавай фракцыяй «Сіла народу» і падтрыманы кіроўнай партыяй «Грузінская мара».
Адзін з лідэраў «Сілы народу» Гурам Мачарашвілі сьцьвярджае, што законапраекты нібыта распрацаваныя з улікам амэрыканскага досьведу, у прыватнасьці, закону 1938 FARA (The Foreign Agents Registration Act).
ГЛЯДЗІЦЕ ТАКСАМА: У Грузіі амаль 70% апытаных выступаюць за ўвядзеньне візавага рэжыму з РасеяйАпанэнты называюць гэтую аргумэнтацыю дэмагогіяй, настойваючы на тым, што закон «Аб замежных агентах» мае на мэце здушэньне іншадумства і грамадзянскай актыўнасьці, як гэта адбылося ў Расеі.
Перад пачаткам абмеркаваньня законапраектаў у камітэтах каля залі пасяджэньняў пэрыядычна адбываліся сутычкі паміж супрацоўнікамі аховы парлямэнту і грамадзянскімі актывістамі. Апазыцыянэры сталі ў шэраг і асьвісталі дэпутатаў, называючы «рабамі Пуціна» за падтрымку закону, падобнага да расейскага.
ГЛЯДЗІЦЕ ТАКСАМА: У Расеі прызналі «замежнымі агентамі» музыку Андрэя Макарэвіча, украінскага журналіста Дзьмітрыя Гардона і яшчэ дзесяць чалавекПаліцыя затрымала некалькіх удзельнікаў акцыі
Парлямэнцкія камітэты ўсё ж ухвалілі ў першым чытаньні дакумэнты, унесеныя «Сілай народу».
Законапраекты «Аб празрыстасьці замежнага ўплыву» і «Аб рэгістрацыі замежных агентаў» абавязваюць усіх юрыдычных і фізычных асобаў, якія атрымліваюць фінансаваньне з-за мяжы, рэгістравацца ў адмысловым рэестры. У адваротным выпадку парушальнікам пагражае буйны штраф альбо турэмнае зьняволеньне тэрмінам на пяць гадоў.