Польшча першай накіравала ва Ўкраіну сучасныя нямецкія танкі.
Прадстаўнік польскага ўраду Пётр Мюлер заявіў 24 лютага, што першыя танкі Leopard з Польшчы ўжо адправіліся ва Ўкраіну. Пазьней дзяржаўнае польскае прэс-агенцтва ўдакладніла, што мяжу ўжо перасеклі першыя з 14 танкаў Leopard 2.
Сёньня прэм’ер-міністар Польшчы Матэвуш Маравецкі прыбыў у Кіеў на першую гадавіну поўнамаштабнага расейскага ўварваньня. Нямеччына ўхваліла пастаўку ва Ўкраіну нямецкіх танкаў Leopard 1 і Leopard 2 у канцы студзеня.
Акрамя ФРГ, танкі ва Ўкраіну накіруюць Нідэрлянды, Канада, Данія, Гішпанія, Фінляндыя, Швэцыя і іншыя краіны, але Польшча заявіла, што зробіць гэта першай.
ГЛЯДЗІЦЕ ТАКСАМА: Польшча аб’явіла тэрміны перадачы Ўкраіне 14 танкаў Leopard 2 і абмяркуе гэта з саюзьнікамі па NATO ГЛЯДЗІЦЕ ТАКСАМА: Канцлер ФРГ Шольц заклікаў саюзьнікаў «дзейнічаць хутка», перадаючы танкі Ўкраіне