«Калі беларускія ўлады прыменяць абвешчаныя абмежаваньні да польскіх перавозчыкаў, рэакцыя Польшчы ў дачыненьні да беларускіх перавозчыкаў будзе ідэнтычнай», — напісаў Каміньскі ў Твітэры.
17 лютага Беларусь абмежавала ўезд польскіх грузавікоў у адказ на закрыцьцё пераходу Баброўнікі. Цяпер грузавыя аўтамабілі і цягачы, зарэгістраваныя ў Польшчы, змогуць уяжджаць на тэрыторыю Рэспублікі Беларусь і пакідаць яе выключна на беларуска-польскім участку мяжы.
ГЛЯДЗІЦЕ ТАКСАМА: Беларусь абмежавала ўезд польскіх грузавікоў у адказ на закрыцьцё пераходу Баброўнікі9 лютага Польшча закрыла памежны пераход у Баброўніках (Бераставіца зь беларускага боку), фактычна рэагуючы на прысуд Анджэю Пачобуту.
16 лютага прэс-сакратар МЗС Польшчы Лукаш Ясіна заявіў, што магчымае рашэньне аб закрыцьці дарожнага і чыгуначнага памежнага пераходу Берасьце — Тарэспаль знаходзіцца «на стале», аднак канчаткова не прынятае.
17 лютага прадстаўнікі Міністэрства інфраструктуры Польшчы на сустрэчы зь лідэрамі асацыяцый грузаперавозчыкаў запэўнілі, што памежны пераход для грузавога транспарту «Кукурыкі — Казловічы» працягне сваю працу.
ГЛЯДЗІЦЕ ТАКСАМА: Пытаньне закрыцьця памежнага пераходу Берасьце-Тарэспаль — на разглядзе ў МЗС Польшчы ГЛЯДЗІЦЕ ТАКСАМА: Што адбываецца на беларускіх межах. Мапа дзейных і закрытых пунктаў пропуску ГЛЯДЗІЦЕ ТАКСАМА: «Прывалка — 26 гадзін на мяжы». Даведаліся, што адбываецца на памежных пераходах ГЛЯДЗІЦЕ ТАКСАМА: Літва пацьвердзіла закрыцьцё чыгуначнага пункта пропуску Стасілас — Беняконі на мяжы зь Беларусьсю