2 лютага ў Воршы затрымалі і адразу асудзілі Алену Мірашнічэнку.
Пра выпадак паведамілі аршанскія праваабаронцы.
Алена — вядомая ў Оршы зоаабаронца. Ініцыятыва «Хвосьцікі», у якой удзельнічае Алена, штомесяц дапамагае дзясяткам бадзяжных жывёлаў.
Некалькі дзён таму ёй даслалі позву з пазнакай, што супраць яе завялі адміністрацыйную справу. Алена зьявілася ў міліцыю, і яе арыштавалі, абвінаваціўшы ў правядзеньні несанкцыянаванага масавага мерапрыемства.
Адразу ж адбыўся і суд. Алену асудзілі на 15 сутак.
Праваабаронцы мяркуюць, што прычынай затрыманьня стала тое, што Алена ў двары аднаго з дамоў правяла забаўляльна-адукацыйную сустрэчу з жыхарамі дома, каб патлумачыць, як правільна абыходзіцца з бадзяжнымі жывёламі.
ГЛЯДЗІЦЕ ТАКСАМА: Жыхара Воршы арыштавалі за тое, што зьняў на відэа эшалён расейскай вайсковай тэхнікі