Так перавозчык адрэагаваў на рашэньне Віленскага аэрапорта падняць зборы на 28%. Па словах экспэртаў, гэта адабʼецца на цэнах на білеты на іншых кірунках, піша Delfi.
Паколькі з 1 студзеня 2023 году Віленскі аэрапорт падвысіў зборы для перавозчыкаў на 28%, на лета Ryanair на 30% скарачае расклад палётаў зь Вільні. Два маршруты — у брытанскія гарады Бірмінгем і Лідс-Брадфард — з сакавіка скасоўваюцца, а яшчэ на 11 кірунках — у Афіны, Бэрлін, Біллун на Корфу у Дублін, Франкфурт, Гданьск, лёнданскі аэрапорт «Станстэд», Мілян, Вэнэцыю і Вену — самалёты будуць лятаць радзей.
ГЛЯДЗІЦЕ ТАКСАМА: ЗША патрабуюць ад Турэччыны забараніць расейскім і беларускім авіякампаніям лятаць на амэрыканскіх самалётах у краіну і зь яеПрадстаўнік Ryanair Дара Брэды назвала падвышэньне збораў у Віленскім аэрапорце «нелягічным» і заявіла, што ад гэтага палёты ў Вільню становяцца менш канкурэнтаздольнымі ў параўнаньні зь іншымі эўрапейскімі аэрапортамі, якія, наадварот, замарожваюць або імкнуцца зьніжаць цэны, каб вярнуць дапандэмійныя патокі пасажыраў.
Літоўскі экспэрт у сфэры авіяцыі Сіманас Барткус выказаў думку, што гэтае рашэньне адабʼецца і на цэнах на астатнія квіткі. Павышэньне збораў ён назваў у цэлым правільным крокам, аднак усячэньне маршрутаў — «дрэннай навіной для турызму»:
«Будуць кароткачасовыя наступствы такога рашэньня: пэўна, ад невялікага выбару сёлета чакаюць высокія цэны на квіткі, — сказаў Барткус, дадаўшы, што ахвотнікам паляцець куды-небудзь зь Вільні ў сярэдзіне лета варта купляць квіткі ўжо зараз».
Віленскі аэрапорт па-ранейшаму застаецца папулярным хабам для беларусаў, якія адтуль лятаюць у іншыя краіны Эўропы.
ГЛЯДЗІЦЕ ТАКСАМА: «Пасьля 2020 году з краіны выехалі дакладна больш за 100 тысяч чалавек». Эканаміст раіць, што рабіць з дэмаграфічным крызісам у Беларусі