У вёсцы Яшчарава ў Наўгародзкай вобласьці, за шэсьць кілямэтраў ад валдайскай рэзыдэнцыі прэзыдэнта Ўладзіміра Пуціна, устанавілі зэнітны ракетна-гарматны комплекс «Панцыр-С1», пра гэта паведамляе рэсурс «Агентство Новости».
Фатаграфію комплексу СПА ў рэдакцыю даслаў жыхар горада Валдая. Паводле яго, комплекс быў разьмешчаны ў селішчы «некалькі тыдняў таму». Інфармацыю пацьвердзілі жыхары Яшчарава і суседніх вёсак. Па словах аднаго зь іх, комплекс знаходзіцца на баявым дзяжурстве, як мінімум трое вайскоўцаў пастаянна знаходзяцца побач, антэна РЛС круціцца.
ГЛЯДЗІЦЕ ТАКСАМА: Пуцін звольніў чыноўніка, які заклікаў да «дэсатанізацыі» ЎкраіныВыданьне расказвае, што Яшчарава — адна зь дзвюх найбліжэйшых вёсак да прэзыдэнцкай рэзыдэнцыі. У раёне няма крытычнай інфраструктуры, стратэгічных абʼектаў, буйных прадпрыемстваў або канцэнтрацыі ваеннай тэхнікі і асабовага складу.