У Грозаве і Семежаве Капыльскага раёну зьніклі крыжы, усталяваныя ў памяць герояў Слуцкага збройнага чыну. Пра гэта паведамляе «Новы час».
Мясцовыя жыхары ў Грозаве сказалі, што крыж зьнесьлі каля месяца таму. Крыж у Грозаве быў усталяваны насупраць Дома культуры, побач — праўленьне сельгаспрадпрыемства.
Крыж у Грозаве, які зьнесьлі ў сьнежні
Месца ў Семежаве, дзе раней стаяў крыж у памяць герояў Слуцкага паўстаньня
- У Слуцку, а таксама ў мястэчках Грозаве і Семежаве сфармаваўся 2-гі Грозаўскі полк зь беларускай міліцыі і сялян-добраахвотнікаў. Грозаўскі полк складаўся з 2 батальёнаў. Камандзір палку — капітан Лука Семянюк, намесьнік камандзіра палку — капітан Гнароўскі, камандзіры батальёнаў — капітан Антон Самусевіч і штабс-капітан Мацэля. У 2-м Грозаўскім палку было каля 2 тыс. чалавек. У пачатку Слуцкага паўстаньня полк займаў фронт у 60 км у нэўтральнай зоне савецка-польскай мяжы на поўнач ад лініі фронту 1-га Слуцкага палку і рабіў напады на палявыя каравулы Чырвонай Арміі.