МАРГ падоўжыў рэгуляваньне цэнаў на курынае мяса і частак тушак куранят-бройлераў яшчэ на 80 дзён. Адпаведную пастанову ад 9 студзеня апублікавалі сёньня на Нацыянальным прававым інтэрнэт-партале.
ГЛЯДЗІЦЕ ТАКСАМА: Ад Tiktok да забароны на продаж: Гісторыя адной курыцы, якая раззлавала Лукашэнку7 кастрычніка Міністэрства антыманапольнага рэгуляваньня і гандлю прыняло пастанову, якая рэгулюе цэны на курыцу і яе часткі.
Так, цана дзьвюх паўтушак не павінна была перавышаць цаны самой тушкі, а цана іншых частак тушкі — цаны тушкі, павялічанай на 10%.
На курынае філе была вызначаная гранічная максымальная аптовая надбаўка, гандлёвая надбаўка (з улікам аптовай надбаўкі) у памеры 15%.
12 кастрычніка Баранавіцкая пракуратура распачала першую крымінальную справу за беспадстаўнае павышэньне цаны на птушкафабрыцы «Дружба».
Гэта палічылі «перавышэньнем службовых паўнамоцтваў». Па гэтым артыкуле прадугледжана пакараньне ад 2 да 6 гадоў пазбаўленьня волі.
У той жа дзень урад забараніў крамам разразаць курыцу. Пастановай забараняўся продаж у гандлёвых аб’ектах сьвежых, астуджаных або замарожаных частак тушкі птушкі. Выключэньнем сталі птушкі, якіх разрэзалі мясаперапрацоўчыя ці птушкагадоўчыя прадпрыемствы.
Аднак забарона ня тычылася часткова апрацаваных паўфабрыкатаў, напрыклад калі курыцу замарынавалі, высушылі, завэндзілі ці інш.
ГЛЯДЗІЦЕ ТАКСАМА: Пасьля крытыкі Лукашэнкі ў Баранавічах завялі крымінальную справу за падвышэньне цаны на разабраных курэй