Ізраіль і Азэрбайджан разьвіваюць актыўнае супрацоўніцтва больш за 30 гадоў. Ізраільскія дыпляматы падтрымліваюць Азэрбайджан у яго канфлікце з Армэніяй вакол Нагорнага Карабаху (армянская назва — Арцах), Ізраіль аказвае Азэрбайджану вайсковую і тэхналягічную падтрымку.
Азэрбайджанская нафта складае каля 40% усяго нафтавага імпарту Ізраілю. Акрамя таго, паколькі Азэрбайджан наўпрост мяжуе з Іранам, ён важны для Ізраілю як саюзьнік у галіне выведкі і магчымы ваенны саюзьнік у выпадку абвастрэньня супярэчнасьцей паміж краінамі.
Ізраіль быў адной зь першых краін, якія прызналі незалежнасьць Азэрбайджану ў сьнежні 1991 году. У 1992 годзе ў Баку адкрылася яго пасольства. Але за апошнія 30 гадоў пасольства Азэрбайджану ў Ізраілі так і не зьявілася.
ГЛЯДЗІЦЕ ТАКСАМА: Зяленскі адплаціў ізраільскаму прэм'еру за адмову пастаўляць зброю Ўкраіне