Пра гэта заявіў пазаштатны дарадца офіса прэзыдэнта Ўкраіны Аляксей Арастовіч 7 студзеня ў эфіры ютуб-канала «Фейгін Live».
Паводле яго, на тэрыторыі Беларусі праводзіцца падрыхтоўка расейскіх вайскоўцаў для перакіданьня на іншыя кірункі.
«Няма там ніякай падрыхтоўкі. Больш таго, адтуль узмоцнена вывозяцца боепрыпасы і ўсё кідаецца на Данецк. Тая партыя людзей, якая туды зайшла, — гэта ў навучальныя цэнтры: для таго, каб падрыхтавацца і зьехаць на той жа данецкі кірунак», — удакладніў ён.
Як паведамлялася, 6 студзеня Аляксандру Лукашэнку паведамілі аб завяршэньні стварэньня сумеснай з РФ рэгіянальнай групоўкі войскаў.
ГЛЯДЗІЦЕ ТАКСАМА: Расея нарошчвае сваю вайсковую групоўку ў Беларусі: прыбываюць новыя салдаты і тэхніка10 кастрычніка 2022 года ён абвясьціў аб дамоўленасьці з прэзыдэнтам РФ разгарнуць яе на тэрыторыі Беларусі. З 15 кастрычніка Расея пачала перакідку войскаў у Беларусь.
5 і 6 студзеня працягнуў прыбываць асабісты склад, ўзбраеньне, ваенная і спэцыяльная тэхніка ВС Расеі.
Беларуская тэрыторыя выкарыстоўвалася расейскімі войскамі для наступу на поўнач Украіны ў першыя дні поўнамаштабнай вайны 24 лютага 2022 года.
ГЛЯДЗІЦЕ ТАКСАМА: Як выглядае вайсковы лягер на палігоне, які наведаў Лукашэнка. Спадарожнікавыя здымкі