У МЗС Польшчы адзначылі, што ўлады ў Беларусі вядуць змаганьне супраць нацыянальнай мовы, а здушэньне беларускай азначае прыніжэньне годнасьці беларусаў. Дарадца Сьвятланы Ціханоўскай у справе нацыянальнага адраджэньня Аліна Коўшык заявіла, што рэжыму непатрэбныя людзі, якія думаюць, і гэта адна з прычын, чаму ён далей спрабуе рэпрэсаваць людзей, у тым ліку за беларускую мову, выціскаючы яе таксама са школаў.
Białoruskie władze prowadzą walkę z własnym językiem narodowym, której celem jest stłumienie narodowej godności.Reżim Aleksandra Łukaszenki represjonuje wydawców i twórców, którzy posługują się językiem białoruskim.#StandWithBelarus pic.twitter.com/vxxRiRVob7
— Ministerstwo Spraw Zagranicznych RP 🇵🇱 (@MSZ_RP) January 7, 2023
Прэзыдэнт Цэнтру беларускай салідарнасьці Ўладзіслаў Кобец адзначыў, што дзякуючы польскаму МЗС беларускія выдаўцы мелі сваё месца на кірмашы гістарычнай кнігі, дзе маглі папулярызаваць беларускую літаратуру.
Выдавец Андрэй Янушкевіч паведаміў, што з-за пагроз вымушаны быў спыніць сваю дзейнасьць у Беларусі, а іншыя выдаўцы знаходзіліся за кратамі. Выпуск беларускіх кніг непатрэбны рэжыму Лукашэнкі.
ГЛЯДЗІЦЕ ТАКСАМА: «ГУБАЗіК хацеў, каб я перастаў рабіць „няправільныя“ кнігі». Першае інтэрвію выдаўца Янушкевіча пасьля ад’езду зь БеларусіУ відэа адзначаецца, што ўлады, з-за дзеяньняў якіх многія беларусы былі змушаныя пакінуць радзіму, падтрымліваюць расейскую мову і надалей выціскаюць беларускую. Па сфабрыкаваных абвінавачаньнях судзяць ляўрэата Нобэлеўскай прэміі Алеся Бяляцкага, праваабаронцу, які ў тым ліку змагаецца за правы беларускай мовы.
ГЛЯДЗІЦЕ ТАКСАМА: «60-гадовы нобэлеўскі ляўрэат у клетцы ў кайданках». Як сусьветныя СМІ пішуць пра «суд» над Бяляцкім і паплечнікамі ГЛЯДЗІЦЕ ТАКСАМА: «Пасьля 2020 году беларусы ня ведаюць, як удзельнічаць у пабудове сваёй краіны». Расказваем пра новы праект «Беларускія магістраты»