Узброеныя найміты – а гэта былыя вязьні, якія падпісалі кантракт з ПВК «Вагнэр» – зьбеглі з навучальнага цэнтру ў Краснадонскім раёне Луганскай вобласьці, дзе «вагнэраўцы» праходзяць падрыхтоўку перш, чым адправіцца ў зону баявых дзеяньняў.
Сярод уцекачоў трое грамадзян Узбэкістану і па адным з Расеі, Беларусі і Кыргызстану. Паводле дадзеных «Царьграда», праўдападобна, усе яны асуджаныя паводле артыкулу 228 КК Расеі – захоўваньне наркотыкаў.
Мяркуецца, што былыя вязьні могуць знаходзіцца на тэрыторыі Растоўскай вобласьці. Заснавальнік ПВК Прыгожын паведаміў, што «ў яго ёсьць уся неабходная інфармацыя».
6 сьнежня пад Навашахцінскам уцёк найміт ЧВК «Вагнэр», параніў паліцыянта і потым суткі хаваўся. Яго затрымалі і завялі справу, ён у СІЗА.
ГЛЯДЗІЦЕ ТАКСАМА: Заснавальніка ПВК «Вагнэр» Прыгожына назвалі «чалавекам году» ў намінацыі «арганізаваная злачыннасьць і карупцыя»