Арт-прастора Hide (вул. Кастрычніцкая 19/4) — пляцоўка-трансформэр, там праходзілі выставы, тэатральныя пастаноўкі, канфэрэнцыі, сустрэчы і вечарыны. Пра закрыцьцё каманда абвясьціла ў Instagram.
«Сябры, мы закрываемся. Апошняя паці 07.01. Анонс і лайн-апы пазьней. Бясконца любім вас», — паведамілі ўладальнікі.
«Удзячны лёсу, што быў часткай гэтага месца», «Вы — найлепшыя», «Разьвітваемся з чарговым добрым месцам», «Гэта трэш... Вельмі-вельмі сумна такое бачыць і ўсьведамляць. Наш гурт шмат зьвязвае менавіта з гэтым месцам», «Сказаць, што я ў шоку — нічога не сказаць», — не хаваюць эмоцый у камэнтарах з нагоды сумнай навіны заўсёднікі і сябры пляцоўкі і дзякуюць камандзе клюбу.
Прычын закрыцьця каманда не агучыла. У кастрычніку падчас канцэрту ў Hide уварваліся сілавікі і затрымалі аднаго з наведнікаў.
Таксама ў Менску зачыняецца беларускамоўная кавярня «Апостраф». «Зь вялікім жалем і болем на сэрцы вымушаны паведаміць вам аб нашым закрыцьці», — напісалі ў сацсетках уладальнікі кавярні.
Апошні працоўны дзень — 13 студзеня 2023. Кавярня працавала крыху больш за год.
ГЛЯДЗІЦЕ ТАКСАМА: Беларускі ПЭН-цэнтар выявіў 291 выпадак рэпрэсій у культурнай сфэры за першы квартал 2021 году