Вярхоўны суд пакінуў бязь зьменаў вырак анкалягічна хворай журналістцы Луцкіной

Вярхоўны суд 27 сьнежня разгледзеў апэляцыйную скаргу палітзьняволенай Ксеніі Луцкіной. Прысуд пакінулі бязь зьменаў, а скаргу без задавальненьня, піша «Вясна». Неўзабаве Ксенію перавядуць у калёнію.

Былую журналістку Белтэлерадыёкампаніі асудзілі 28 верасьня на 8 гадоў калёніі паводле ч.1 арт. 357 КК («Змова ці іншыя дзеяньні, учыненыя з мэтай захопу дзяржаўнай улады»).

У зьняволеньні ў Ксеніі Луцкіной абвастрыліся праблемы са здароўем — пачала расьці пухліна ў галаўным мозгу, абвастрылася бранхіяльная астма. Ад пастаянных галаўных боляў журналістка вымушана прымаць абязбольвальнае.

Вядома, што Ксенія адмовілася пісаць прашэньне аб памілаваньні на імя Лукашэнкі. Дома яе чакае непаўналетні сын.