21 сьнежня Вашынгтон зь візытам наведае прэзыдэнт Украіны Ўладзімір Зяленскі, які сустрэнецца з Джо Байдэнам і выступіць перад Кангрэсам.
«Пакет будзе зьмяшчаць вельмі важны новы патэнцыял: ракетную батарэю Patriot, якая стане найважнейшым сродкам для абароны ўкраінскага народу ад барбарскіх нападаў Расеі на крытычна важную інфраструктуру Ўкраіны. Мы навучым украінскіх вайскоўцаў кіраваць батарэяй ракет Patriot у трэцяй краіне. Пройдзе нейкі час, але ўкраінскія войскі вернуцца ў сваю краіну зь ведамі пра тое, як кіраваць гэтай батарэяй», — цытуе неназванага чыноўніка прэс-служба Белага дому.
Але ня толькі гэтая батарэя ўвойдзе ў сьпіс новых амэрыканскіх паставак украінскім вайскоўцам.
«Мы будзем працягваць аддаваць перавагу іншым формам падтрымкі супрацьпаветранай абароны, уключаючы NASAMS, HAWK, Stingers і абсталяваньне супраць БПЛА», — дадаў чыноўнік.
ГЛЯДЗІЦЕ ТАКСАМА: Зяленскі наведае Вашынгтон. Гэта першы замежны візыт ад пачатку вайныАгульны кошт пакету дапамогі дасягне 1,8 мільярда даляраў. Зь іх мільярд каштуе батарэя Patriot. Дакладныя характарыстыкі комплексу, які рыхтуецца да пастаўкі, і яго мадыфікацыя невядомыя, аднак у батарэю звычайна ўваходзяць восем пускавых установак з чатырма ракетамі, радар і камандны пункт. Мяркуецца, што комплекс будзе пастаўлены з тых, што ёсьць у наяўнасьці ў амэрыканскай арміі, а ня зроблены адмыслова для Ўкраіны.
У рамках таго ж пакету Вашынгтон заплянаваў адправіць Украіне комплексы JDAM, якія ператвараюць звычайныя авіяцыйныя бомбы ў кіраваныя снарады, што плянэруюць, паведамляюць агенцтва Associated Press і канал CNN.
Пераабсталяваньне савецкіх бомбаў з дапамогай такой тэхналёгіі дазволіць Украіне атакаваць добра абароненыя цэлі, напрыклад масты ў глыбіні расейскіх пазыцый. Кіеву паставяць артылерыйскія снарады, ракеты для комплексаў HIMARS, грузавікі і антырадарныя авіяцыйныя ракеты.
ГЛЯДЗІЦЕ ТАКСАМА: Сэнат ЗША зацьвердзіў рэкордны бюджэт Пэнтагона на 858 млрд даляраў, у ім прадугледжаная дапамога Ўкраіне і ТайванюШто такое Patriot
MIM-104 Patriot — гэта ракетная сыстэма «зямля — паветра» (SAM), першая ў сваім родзе, якая выкарыстоўваецца арміяй ЗША і некалькімі саюзьніцкімі дзяржавамі. Ён выпускаецца амэрыканскім абаронным падрадчыкам Raytheon і атрымаў сваю назву ад радыёлякацыйнага кампанэнту сыстэмы ўзбраеньня. Сыстэма Patriot замяніла сыстэму Nike Hercules у якасьці асноўнай сыстэмы супрацьпаветранай абароны высокага і сярэдняга ўзроўню войскаў ЗША (HIMAD) і замяніла сыстэму MIM-23 Hawk у якасьці сярэдняй тактычнай сыстэмы супрацьпаветранай абароны войскаў ЗША.
У дадатак да гэтых роляў, Patriot атрымаў функцыю сыстэмы супрацьракетнай барацьбы з балістычнымі ракетамі арміі ЗША, што цяпер зьяўляецца асноўнай задачай Patriot. Чакаецца, што сыстэма застанецца ў эксплюатацыі як мінімум да 2040 году.
Patriot выкарыстоўвае ўдасканаленую ракету-перахопнік з паветра і высокаэфэктыўныя радыёлякацыйныя сыстэмы. Patriot распрацаваны ў Рэдстоўнскім арсэнале ў Гантсьвіле, штат Алабама, які раней распрацоўваў сыстэму Safeguard і яе кампанент Spartan і гіпэргукавыя хуткасныя ракеты Sprint.
ГЛЯДЗІЦЕ ТАКСАМА: Латвійскі міністар заклікаў дазволіць Украіне атакаваць цэлі ў глыбіні РасеіСыстэмы Patriot былі прададзеныя ўзброеным сілам Нідэрляндаў, Польшчы, Нямеччыны, Японіі, Ізраілю, Саудаўскай Арабіі, Кувэйту, Тайваню, Грэцыі, Гішпаніі, Аб’яднаных Арабскіх Эміратаў, Катару, Румыніі і Швэцыі.
Паўднёвая Карэя купіла некалькі ўжываных сыстэм Patriot у Нямеччыны пасьля таго, як Паўночная Карэя запусьціла балістычныя ракеты ў Японскае мора і працягнула падземныя ядзерныя выпрабаваньні ў 2006 годзе.
Таксама сыстэмы куплялі Ярданія і Турэччына.
ГЛЯДЗІЦЕ ТАКСАМА: МЗС Расеі: Беларускія самалёты аснашчаць ядзернымі зарадамі ня будуцьВайна Расеі супраць Украіны
- А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
- Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
- Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
- 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фотаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
- З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
- Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
- 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
- У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
- 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
- У канцы 2023 і на пачатку 2024 расейцы працягвалі масавыя абстрэлы ўкраінскіх гарадоў: Дніпры, Кіеве, Харкаве, Адэсе і іншых месцах дзясяткі людзей загінулі і атрымалі раненьні. Украінскі бок у адказ абстрэльваў расейскі Белгарад, некалькі чалавек загінулі. Узброеныя сілы дзьвюх краін рэгулярна атакуюць падкантрольныя адна адной тэрыторыі бесьпілётнікамі.
- Агулам з пачатку 2024 году ўкраінскія дроны пашкодзілі 18 расейскіх НПЗ, што прывяло да скарачэньня вытворчасьці амаль на 14%. У сакавіку былі атакаваныя такія абʼекты, як Разанскі НПЗ «Раснафты» і завод «Лукойла» ў Кстове ў Ніжагародскай вобласьці. Абодва ўваходзяць у топ-10 найбуйнейшых НПЗ Расеі і забясьпечваюць бэнзінам Маскву.
- 6 жніўня 2024 году Ўкраіна пачала апэрацыю ў Курскай вобласьці. 19 жніўня прэзыдэнт Украіны Ўладзімір Зяленскі заявіў, што пад кантролем Украіны ў ходзе апэрацыі Ўзброеных сілаў Украіны знаходзяцца 92 паселішчы Курскай вобласьці Расеі. Галоўнакамандуючы Ўзброенымі сіламі Ўкраіны Аляксандар Сырскі ўдакладніў, што такіх населеных пунктаў 82. Улады Ўкраіны заявілі пра стварэньне ваенных камэндатураў і арганізацыі перадачы «гуманітарнай дапамогі ў населеныя пункты, якія знаходзяцца пад кантролем Украіны». Экспэрты Інстытуту вывучэньня вайны, прааналізаваўшы заявы і відэаматэрыялы з геалякацыяй, выказалі меркаваньне, што Ўкраіна кантралюе ў Курскай вобласьці ня ўсю тэрыторыю ў заяўленых межах прасоўваньня.
- 16-18 жніўня ўкраінскія сілы падарвалі тры масты, якія мелі стратэгічнае значэньне для матэрыяльна-тэхнічнага забесьпячэньня групоўкі расейскіх войскаў ва Ўкраіне і вайсковай авіяцыі, якая базуецца ў Курскай вобласьці.
- 17 лістапада Джо Байдэн зьняў абмежаваньні на нанясеньне ўдараў амэрыканскай дальнабойнай зброяй па тэрыторыі Расеі.
- Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.