У 2022 годзе ў Беларусі заблякавалі больш за 3 тысячы інтэрнэт-рэсурсаў, а з 2015 па 2022 год прыняты рашэньні аб абмежаваньні доступу да 8025 інтэрнэт-рэсурсаў і іх састаўных частак.
Пра гэта паведамляе reform.by, спасылаючыся на матэрыялы, апублікаваныя на сайце Менгарвыканкаму.
За 2021 год Міністэрсва інфармацыі уключыла ў рэспубліканскі сьпіс «экстрэмісцкіх матэрыялаў» 684 матэрыялы на падставе 420 рашэньняў судоў.
У 2021–2022 гадах па заявах МУС інфармацыйная прадукцыя 778 тэлеграм-каналаў і іншых інтэрнэт-рэсурсаў прызнана судамі экстрэмісцкімі матэрыяламі. Больш за 300 тэлеграм-каналаў і чатаў прызнаны экстрэмісцкімі фармаваньнямі. Спынена дзейнасьць больш як 160 тэлеграм-каналаў і чатаў.
ГЛЯДЗІЦЕ ТАКСАМА: Мінінфарм заблякаваў доступ да самага папулярнага сайту Горадні і вобласьці