Эўрапарлямент ухваліў выдзяленьне Ўкраіне льготнага крэдыту ў памеры 18 млрд эўра, паведаміла 14 сьнежня прэс-служба ўстановы.
Паведамляецца, што дэпутаты Эўрапарляменту падтрымалі зьмененае рашэньне, якое дазваляе перадаць пакет падтрымкі Ўкраіне пасьля таго, як Вугоршчына наклала вэта на першапачатковую прапанову.
«Доўгатэрміновая пазыка, якая выдзяляецца на льготных умовах, але пры ўмове правядзеньня рэформаў, будзе пакрываць асноўныя дзяржаўныя паслугі, у тым ліку працу лякарняў, школ і забесьпячэньне жытлом. Яна таксама прызначаная для падтрыманьня макраэканамічнай стабільнасьці і аднаўленьня інфраструктуры ва Ўкраіне, якая пастаянна цярпіць з боку Расеі», — гаворыцца ў паведамленьні прэс-службы Эўрапарлямэнту.
ГЛЯДЗІЦЕ ТАКСАМА: ЭЗ павялічыў фонд падтрымкі Ўкраіны ГЛЯДЗІЦЕ ТАКСАМА: Рада ЭЗ пагадзілася вылучыць Украіне 18 мільярдаў эўра