Актывісты даслалі ў Беларусь 82 паштоўкі — як заявілі яны самі, паштоўкі адрасаваныя «несумленным судзьдзям, фальсыфікатарам з выбарчых камісій, катам у пагонах і стукачам, — тым, для каго правы чалавека — пусты гук».
«З нагоды Міжнароднага дня правоў чалавека вельмі раім задумацца аб тым, што і дзеля чаго вы робіце і што за гэта абавязкова давядзецца адказваць. Жадаем вам справядлівага суда і поўнай адказнасьці», — гаворыцца на выяве адной з паштовак, якія актывісты дасталі ў рэдакцыю.
«Аўтарамі» лістоў (іх імёны пазначаныя ў зваротным адрасе) называюцца беларускія актывісты і пратэстоўцы, якія загінулі ў сувязі зь беларускімі пратэстамі 2020–2021 гг.: Раман Бандарэнка, Мікіта Крыўцоў, Аляксандар Тарайкоўскі, Генадзь Шутаў, Аляксандар Віхор, Канстанцін Шышмакоў.