Паводле зьвестак Белстату, за дзесяць месяцаў гэтага году на працу былі прынятыя 546 656 чалавек.
Пры гэтым у студзені-кастрычніку 2022 году былі звольненыя 612 112 чалавек, у тым ліку за кастрычнік — 56 579. Такім чынам адток кадраў за дзесяць месяцаў склаў каля 65,4 тыс. чалавек.
Як адзначае сайт Officelife, cярод прычын звальненьняў пераважаюць прагул і іншыя парушэньні працоўнай дысцыпліны — 31 322 выпадкі, у тым ліку ў кастрычніку — 2 958. Ліквідацыя прадпрыемства або скарачэньні як афіцыйная прычына значацца значна радзей — у кастрычніку 300 выпадкаў, за дзесяць месяцаў — 5474.
ГЛЯДЗІЦЕ ТАКСАМА: Сьмяротнасьць, гандаль, бюджэт. Як улады ўтойваюць дзяржаўную статыстыку