«Узмацняючы жорсткасьць прававога рэгуляваньня працэдур праверкі іміграцыі і грамадзянства, мы павінны абараніць дзяржаву ад асоб, якія могуць несьці пагрозу нацыянальнай бясьпецы», — цытуе чыноўніцу прэс-служба МУС.
Так, ад асобных катэгорый іншаземцаў, якія зьвяртаюцца па візу, дазвол на жыхарства ў Літве або карту ДНЖ для чальца сям’і грамадзяніна Эўразьвязу, будуць патрабаваць дадатковыя дакумэнты або інфармацыю.
«Непадача запрошанай інфармацыі або падача лжывых зьвестак дапаможа Дэпартамэнту міграцыі больш эфэктыўна ацэньваць рызыку незаконнай міграцыі і прымаць рашэньні аб выдачы або ануляваньні дакумэнтаў», — падкрэсьлілі ў ведамстве.
ГЛЯДЗІЦЕ ТАКСАМА: Як легалізавацца беларусу ў Польшчы? Гісторыі пасьпяховыя і ня вельмі
МУС пры садзейнічаньні іншых дзяржустаноў і органаў будзе «ўзмацняць кантроль за знаходжаньнем і жыцьцём іншаземцаў» у Літве.
Білатайце даручыла Дэпартамэнту міграцыі «праверыць наяўнасьць у Літве іншаземцаў, якія прыбылі зь Беларусі, асабліва грамадзян Расейскай Фэдэрацыі (у тым ліку якія маюць двайное грамадзянства), паводле схемы рэлякацыі бізнэсу».
Дэпартамэнту таксама загадалі «надаць асаблівую ўвагу працэдурам страты грамадзянства Літоўскай Рэспублікі ў выпадках, калі грамадзянін Літвы набывае грамадзянства Беларусі ці Расеі».
ГЛЯДЗІЦЕ ТАКСАМА: У Даніі за 2000 эўра, у Літве за 20, у Польшчы чакаць 8 месяцаў. Як беларусам пабрацца шлюбам за мяжой