«Інспэктары МАГАТЭ пачалі і неўзабаве завершаць праверку ў двух месцах ва Ўкраіне пасьля пісьмовага запыту ўраду Ўкраіны накіраваць туды групы інспэктараў», — адзначаецца ў паведамленьні МАГАТЭ.
У арганізацыі нагадалі, што з адпаведным запытам урад Украіны зьвярнуўся пасьля заяў Расеі аб дзейнасьці, зьвязанай зь нібыта вырабам ва Ўкраіне «бруднай бомбы» на двух украінскіх аб’ектах, якія знаходзяцца пад кантролем і гарантыямі МАГАТЭ.
«Мэта візытаў — выявіць любую магчымую незадэкляраваную ядзерную дзейнасьць і матэрыялы, зьвязаныя з распрацоўкай „брудных бомбаў“. Месяц таму МАГАТЭ праверыла адно з двух месцаў, і там не было выяўлена незадэкляраванай ядзернай дзейнасьці або матэрыялаў», — адзначаецца ў паведамленьні МАГАТЭ.
У арганізацыі паведамілі, што папярэднія высновы інспэкцыі будуць апублікаваныя цягам тыдня.
ГЛЯДЗІЦЕ ТАКСАМА: ISW: заявы Шайгу аб «бруднай бомбе» – запалохваньне і працяг даўняй інфармацыйнай кампаніі РасеіМіністар абароны Расеі Сяргей Шайгу 23 кастрычніка правёў тэлефонныя перамовы адразу з трыма кіраўнікамі абаронных ведамстваў краін NATO. Усім траім ён выказаў заклапочанасьць у сувязі з магчымым прымяненьнем Украінай так званай «бруднай бомбы».
ГЛЯДЗІЦЕ ТАКСАМА: Шайгу абзвоньвае міністраў абароны NATO і расказвае пра «брудную бомбу»У адказ Украіна зьвярнулася ў МАГАТЭ па арганізацыю праверкі ядзерных аб’ектаў, згаданых Расеяй у сваіх заявах.
ГЛЯДЗІЦЕ ТАКСАМА: МАГАТЭ праверыць украінскія ядзерныя аб’екты пасьля абвінавачаньняў Расеі ў стварэньні «бруднай бомбы»