«Існуе непасрэдная небясьпека затапленьня тэрыторый у сувязі з плянаваным разбурэньнем плаціны Кахоўскай ГЭС і скіду вады з каскаду электрастанцый вышэй па цячэньні Дняпра», — сказаў Уладзімір Сальда ў відэазвароце. Пад арганізаванае акупацыйнай адміністрацыяй перамяшчэньне трапляюць: Берыслаўскі, Белазёрскі, Снігіроўскі і Аляксандраўскі муніцыпалітэты.
Сытуацыю ў Херсонскай вобласьці пракамэнтаваў камандзір расейскай групоўкі ва Ўкраіне генэрал Сяргей Суравікін, кажучы, што «далейшыя дзеяньні ў дачыненьні да Херсону будуць залежаць ад існуючай ваенна-тактычнай сытуацыі, яна няпростая, не выключаецца прыняцьце няпростых рашэньняў».
Херсон быў першым буйным горадам, які акупавалі расейцы падчас поўнамаштабнага ўварваньня, і застаецца адзіным абласным цэнтрам пад кантролем Масквы.
ГЛЯДЗІЦЕ ТАКСАМА: Выведка Вялікай Брытаніі: расейцы вывозяць з Херсону мірных жыхароў, у горадзе неўзабаве магчымыя баі