Аляксандр Лукашэнка пасьля 5-дзённай адсутнасьці ў Беларусі прыняў даверчыя лісты ад паслоў 11 дзяржаваў.
Амбсадары ўручаюць даверчыя лісты Лукашэнку. Сярод іх амбасадарка Швайцарыі. Менск, 30 верасьня 2022
Прымаючы даверчыя лісты амбасадаркі Швайцарыі, ён сказаў аб узаемнай павазе і нэўтралітэце, якога павінна трымацца альпійская краіна.
«Мы нязьменна зацікаўленыя ў разьвіцьці двухбаковых адносін на прынцыпах узаемнай павагі, адкрытага і канструктыўнага дыялёгу. Відавочна, што менавіта такі дыялёг, а ня санкцыі і папрокі, дазваляе знайсьці разьвязаньне найцяжэйшых пытаньняў і рухацца наперад, прытым пры любых абставінах», — сказаў Лукашэнка, якога цытуе яго прэс-служба.
Швайцарыя пасьлядоўна далучаецца да большасьці санкцыйных захадаў, якія прымае супраць Беларусі і Расеі Эўрапейскі Зьвяз. Апрача пасла Швайцарыі даверчыя лісты Лукашэнку далі амбасадары Мальтыйскага ордэну і Босьніі.
ГЛЯДЗІЦЕ ТАКСАМА: Новая амбасадарка Швайцарыі афіцыйна пачала працу ў БеларусіУ лютым 2022 году Крыстынэ Гонэгер прыляцела ў Менск і наведала палітзьняволеную — грамадзянку Швайцарыі Натальлю Хершэ, якая ня раз галадавала за кратамі празь невыносныя ўмовы ўтрыманьня. Пасьля гэтага Хершэ адпусьцілі з турмы і яна вярнулася ў Швайцарыю.
У Швайцарыі пры гэтым ня лічаць уручэньне лістоў Лукашэнку прызнаньнем яго легітымнасьці.
Краіны Захаду не прызнаюць Лукашэнку легітымна абраным прэзыдэнтам, іх амбасадары адмаўляюцца ўручаць яму даверчыя лісты. З гэтай прычыны Менск вымушаны быў пакінуць амбасадар Францыі Нікаля дэ Лякост.
ГЛЯДЗІЦЕ ТАКСАМА: Палітзьняволеная Натальля Хершэ выйшла на волю. Яна ўжо пакінула Беларусь і вяртаецца ў Швайцарыю