Прапановы ў інтэрнэце розныя: некаторыя гатовы прывезьці iPhone 14 без перадаплаты, іншыя — толькі пры ўмове 100-працэнтнай перадаплаты, яшчэ хтосьці абяцае вытрымаць тэрміны дастаўкі ў 10 дзён, ці, напрыклад, больш расплывіста гаворыць аб дастаўцы «ў верасьні».
У залежнасьці ад умоў дастаўкі і мадэлі адрозьніваюцца і цэны гаджэтаў: замовіць у «прыватнікаў» новыя iPhone 14 можна ад 3 да 5,5 тысячы рублёў.
Як растлумачылі Office.life прадаўцы, тэлефоны зьбіраюцца купляць у Эўропе, нехта вязе іх з Кітая.
7 верасьня карпарацыя Apple правяла традыцыйную прэзэнтацыю навінак сваёй прадукцыі. Продажы iPhone 14 пачнуцца 16 верасьня, вэрсіі Plus — 7 кастрычніка. Аднак у Беларусі новыя гаджэты афіцыйна прадавацца ня будуць, пра гэта заявілі ў прадстаўніцтве афіцыйнага партнэра кампаніі Apple у Беларусі.
ГЛЯДЗІЦЕ ТАКСАМА: Афіцыйных продажаў новых iPhone 14, Apple Watch і Airpods Pro 2 у Беларусі ня будзе з прычыны антываенных санкцыяў