Міністэрства працы і сацыяльнай абароны сваёй пастановай № 50 адрэдагавала пералік лёгкіх відаў работ, якія могуць выконваць непаўналетнія ва ўзросьце ад чатырнаццаці да шаснаццаці гадоў.
Пра гэта піша «Зеркало».
Цяпер падлеткам дазваляецца:
- узважваць на вагах, камплектаваць, сартаваць, пакаваць тавары, укладваць іх на паліцы і расстаўляць цэньнікі;
- сэрвіраваць сталы, зьбіраць брудны посуд ва ўстановах грамадзкага харчаваньня;
- прыбіраць за жывёламі клеткі, вальеры, загоны, чысьціць гнездавыя домікі, мыць кармушкі і паілкі:
- рабіць ручную мыйку аўтамабіляў;
- працаваць пазаштатна ў СМІ ў падрыхтоўцы артыкулаў, выступаў і фотарэпартажаў, весьці тэле- і радыёперадачы і ўдзельнічаць у іх;
- выконваць акрамя будаўнічых і рамонтна-будаўнічых работ таксама і рэстаўрацыйныя работы.