Анархісту зьмянілі рэжым утрыманьня пад вартай 8 жніўня.
Ігара Аліневіча этапавалі ў турму № 8 у Жодзіне. Як даведаўся праваабарончы цэнтар «Вясна», гэта адбылося ўжо 11 жніўня — праз тры дні пасьля суду, які зрабіў больш строгім рэжым утрыманьня вязьня.
Рашэньне ўзмацніць рэжым прымала судзьдзя Валянціна Новікава. На які тэрмін Аліневіча перавялі ў турму, пакуль невядома.
Актывіста анархісцкага руху Ігара Аліневіча раней асудзілі да 20 гадоў калёніі ўзмоцненага рэжыму. Да зьмены рэжыму яго ўтрымлівалі ў мазырскай калёніі.
Адрас палітвязьня: турма № 8. 222163, г. Жодзіна, вул. Савецкая, 22А, Ігару Ўладзімеравічу Аліневічу.
ГЛЯДЗІЦЕ ТАКСАМА: Праваабаронцы паведамляюць аб новых фактах ціску на асуджаных палітвязьняў ГЛЯДЗІЦЕ ТАКСАМА: Хто такія Аліневіч, Раманаў, Дубоўскі і Разановіч. Партрэты сучасных анархістаў, якім прысудзілі ад 18 да 20 гадоў турмы