Аўтары каналу пішуць, што менчука затрымалі за ўдзел у маршах. На «пакаянным» відэа ён расказвае, што разам з дачкой у жніўні 2020 году нібыта хадзіў на пратэсты і вёў пра гэта дзёньнік. Затрыманы кажа, што ў дзёньніку выказваўся на адрас міліцыі.
Аўтары каналу выкарысталі фота зь дзёньніка: у ім апісваецца, якія лёзунгі выкрыквалі пратэстоўцы. Напрыклад, «Света наш герой, Саня ты отстой» і «Убирайся вон, ты и твой ОМОН».
Допіс у канале, як звычайна, суправаджаецца вульгарнымі характарыстыкамі ўсёй сям’і. Відэа з «прызнаньнямі віны», якія запісваюць сілавікі ў Беларусі, у прававой дзяржаве ня лічацца юрыдычным доказам нейкіх супрацьпраўных дзеяньняў і, наадварот, могуць пацягнуць за сабой крымінальную адказнасьць для тых, хто такое відэа арганізоўваў і запісваў. Людзей перад імі нярэдка б'юць ці маральна запалохваюць.
Аліна Болбас — беларуская журналістка, былая актывістка «Задзіночаньня беларускіх студэнтаў». Цяпер мянчанка вучыцца ў Эўрапейскім гуманітарным унівэрсытэце.
ГЛЯДЗІЦЕ ТАКСАМА: Сын за бацьку, маці за сына, брат за брата. Як беларускі рэжым помсьціць сваякам сваіх апанэнтаў ГЛЯДЗІЦЕ ТАКСАМА: «За мяжой „беглыя“ не схаваюцца». Як дыктатары помсьцяць тым, хто пасьпеў уцячы ад палітычных рэпрэсій